កន្លងមក ក៍ដូចជាបច្ចុប្បន្ន លោក សុខ សេង មេឃុំ សំរោង ក្នុងស្រុក សំរោង ខេត្តតាកែវ បានខិតខំប្រឹងប្រែងអនុវត្តការងារកសាងហេដ្ឋារចនាសម្ព័ន្ធ ក្នុងមូលដ្ឋានឲ្យកាន់តែមានការអភិវិឌ្ឍរីកចំរើន ទៅមុខជាលំដាប់ ។
– លទ្ធផលករងារជាក់ស្តែងមានដូចជា ៖
ក្នុងឆ្នាំ ២០២៣ បានធ្វើផ្លូវក្រាលគ្រួសធម្មជាតិ បានចំនួន ៣ ខ្សែក្នុងនោះខ្សែទី ១ មានប្រវែង ២២៨០ ម៉ែត្រ ខ្សែទី ២ មានប្រវែង ២២០០ ម៉ែត្រ និង ខ្សែទី ៣ ប្រវែង ១០៧០ ម៉ែត្រ ។ សំរាប់ឆ្នាំ ២០២៤ វិញ បានធ្វើផ្លូវបេតុងបាន ១ ខ្សែ ដែលមានប្រវែង ១០៥១ ម៉ែត្រ ។
– ក្រៅពីនេះឃុំក៍បាន សហការជាមួយព្រះសង្ឃវត្តអង្គលង្គញ ជួយផ្សព្វផ្សាយ ដល់ពទ្ធបរិស័ទចំណុះជើងវត្តអង្គលង្គុញ ដើម្បីចូលរួម កសាងផ្លូវលំ ១ ខ្សែប្រវែង ១២០០ ម៉ែត្រ ចាប់ពីវត្តអង្គលង្គុញទៅភូមិសំរោង ឃុំក៍បានយកចិត្តទុកដាក់ផងដែរ បានដាក់លូបានចំនួន ៤ ទីតាំង ក្នុងនោះមានភូមិ តាពោនខាងកើត ១ ទីតាំង ភូមិក្រាំងរអូត ១ ទីតាំង ភូមិ តាពោនខាងលិច ១ ទីតាំង និង ភូមិ សំរោង ១ ទីតាំង ។
– ឃុំក៍បានយកចិត្តទុកដាក់ផងដែរ បានជួលជុលកែលំអ ចាក់សាបក្នុងបរិវេណសាលាឃុំអោយកាន់តែល្អប្រសើរ ។ចំណែកការងារមនុស្សធម៍វិញ ឃុំតែងតែបានជួយដោះស្រាយ នូវក្តីកង្វល់របស់ប្រជាពលរដ្ឋជាបន្តបន្ទាប់់មានដូចជា បានចូលរួមបុណ្យសង្គហសង្គ្រោះនិងបុណ្យសពក្នុងឃុំជាដើម ។
