ខេត្តត្បូងឃ្មុំ ៖ នៅថ្ងៃទី០៤ ខែមករា ឆ្នាំ២០២៣ លោក សុខ សារិទ្ធ អភិបាលស្រុកតំបែរនិងសហការីរួមនឹងអាជ្ញាធរភូមិ ឃុំគោកស្រុកបានអញ្ជើញចុះជួបសំណេះសំណាលសួរសុខទុក្ខប្រជាពលរដ្ឋចំនួន២គ្រួសារដែលកំពុងជួបនឹងផលលំបាករស់នៅក្នុងភូមិគោកស្រុក ឃុំគោកស្រុក ស្រុកតំបែរ។
គ្រួសារទី១គឺ លោក លិង លិត កំពុងសំរាកព្យាបាលជម្ងឺនៅផ្ទះ ហើយមានកង្វះខាតក្នុងការព្យាបាលក្នុងនោះដែរលោកអភិបាលស្រុកបានជួយឧបត្ថម្ភជាថវិកាចំនួន២០០,០០០រៀល រួមនឹងទឹកផ្លែឈើ១កេះ ទឹកក្រូច១កេះ ទឹកស៊ីអ៊ីវ១យួរ មីម៉ាម៉ា១កេះ អង្ករ៥០គីឡូក្រាម។ ជាមួយគ្នានោះដែរ អជ្ញាធរភូមិឃុំបានជួយឧបត្ថម្ភជាថវិកា១០០០,០០០រៀលផងដែរសរុបទាំងអស់៣០០,០០០រៀល ។
លោកអភិបាលស្រុកនិងក្រុមការងារក៏បានចុះសួរសុខទុក្ខ គ្រួសារក្រីក្រ១គ្រួសារផងដែរដោយបានជួយឧបត្ថម្ភ ជាថវិការចំនួន៧០០០០រៀល ។
