ព័ត៌មានជាតិ
លោក លឹម ចាន់សូភី ប្រធានមន្ទីររៀបចំដែនដីនគរូបនីយកម្មសំណង់ និង សុរិយាដីខេត្តមណ្ឌលគីរីបានអញ្ជើញចូលរួមប្រជុំ អន្តរក្រសួង នៅក្រសួងរៀបចំដែនដីនគរូបនីយកម្ម និង សំណង់
កាលពីថ្ងៃទី១២ ខែធ្នូ ឆ្នាំ២០២៤ កន្លងមកនេះ លោក លឹម ចាន់សូភី ប្រធានមន្ទីររៀបចំដែនដីនគរូបនីយកម្ម សំណង់ និង សុរិយោដី ខេត្តមណ្ឌលគីរី បានអញ្ជើញចូលរួមកិច្ចប្រជុំ អន្តរក្រសួង រវាងក្រសួងបរិស្ថាន ក្រសួងកសិកម្មរុក្ខាប្រមាញ់ និង នេសាទ និង ក្រសួងរៀបចំដែនដីនគរូបនីយកិម្ម និង សំណង់ លើកិច្ចការចុះបញ្ជីដីធ្លី ស្ថិតនៅក្នុងភូមិសាស្ត្រ ខេត្តមណ្ឌលគីរី ក្រោមអធិបតីភាព ឯកឧត្តម ទេព ធន រដ្ឋលេខាធិការក្រសួងរៀបចំដែនដីនគរូបនីយកម្ម និង សំណង់ ៕
ឯកឧត្តម ថង សាវុន អភិបាលនៃគណអភិបាល ខេត្ត មណ្ឌលគីរី បានអញ្ជើញដឹកនាំកិច្ចប្រជុំការងារគណបញ្ជាការឯកភាពរដ្ឋបាល ខេត្តមណ្ឌលគីរី
នាពេលកន្លងមកនេះ នៅព្រឹកថ្ងៃទី០៩ ខែធ្នូ ឆ្នាំ២០២៤ ឯកឧត្តម ថង សាវុន អភិបាលខេត្តមណ្ឌលគីរី បានដឹកនាំកិច្ច ប្រជុំការងារគណបញ្ជាការឯកភាពរដ្ឋបាលខេត្តដោយមានការអញ្ជើញចូលរួមពីសំណាក់ លោកព្រះរាជអាជ្ញា នៃអយ្យការអមសាលាដំបូងខេត្ត លោកអនុប្រធាន សាលាដំបូងខេត្តមណ្ឌលគីរី លោកអភិបាលរងខេត្ត ។ ក្រៅពីនេះមានលោកនាយក នាយករងរដ្ឋបាលខេត្ត កងកម្លាំងប្រដាប់អាវុធទាំង០៣ ប្រភេទ លោក លោកស្រីប្រធាន អនុប្រធានមន្ទីរអង្គភាពពាក់ព័ន្ធជុំវិញខេត្ត អាជ្ញាធរក្រុង ស្រុក ទាំង០៥ សមាជិក សមាជិកាមន្ត្រីជំនាញជាច្រើនរូបផងដែរ កិច្ចប្រជុំនេះបានប្រព្រឹត្តទៅនៅសាលប្រជុំសាលាខេត្ត ។
ឯកឧត្តម គង់ សោភ័ណ្ឌ រដ្ឋលេខាធិការក្រសួងមហាផ្ទៃ បានអញ្ជើញចូលរួមកម្មវិធីសន្និបាតបូកសរុបលទ្ធផលការងារឆ្នាំ២០២៤ និងលើទិសដៅសម្រាប់អនុវត្តបន្តឆ្នាំ២០២៥
កាលពីថ្ងៃទី១២ ខែធ្នូ ឆ្នាំ២០២៤ កន្លងមកនេះឯកឧត្តម គង់ សោភ័ណ្ឌ រដ្ឋលេខាធិការក្រសួងមហាផ្ទៃបានអញ្ជើញចូលរួមកម្មវិធីសន្និបាតបូកសរុបលទ្ធផលការងារ ឆ្នាំ២០២៤ និង លើកទិសដៅអនុវត្តបន្តសម្រាប់ការងារឆ្នាំ២០២៥របស់អគ្គលេខាធិការដ្ឋានក្រោមអធិបតីភាព ឯកឧត្តមសន្តិបណ្ឌិតម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ ។
លោក គង់ សុជាតិ ប្រធានមន្ទីរផែនការខេត្តក្រចេះបានអញ្ជើញដឹកនាំកិច្ចប្រជុំ ស្តីពីវឌ្ឍនភាពការងារនិងការផ្សព្វផ្សាយទិន្នន័យគ្រួសារក្រីក្រនៅថ្នាក់ខេត្ត
លោក គង់ សុជាតិ ប្រធានមន្ទីរផែនការខេត្តក្រចេះបានអញ្ជើញដឹកនាំកិច្ចប្រជុំ ស្តីពីវឌ្ឍនភាពការងារនិងការផ្សព្វផ្សាយទិន្នន័យគ្រួសារក្រីក្រនៅថ្នាក់ខេត្តកាលពីថ្ងៃទី២៩ ខែវិច្ឆិកា ឆ្នាំ២០២៤ ។ នៅក្នុងកិច្ចប្រជុំនេះដែរ មានការចូលរួមពីលោក លោកស្រី អនុប្រធានមន្ទីរ អង្គភាពពាក់ព័ន្ធជុំវិញខេត្ត និង លោក លោកស្រី អភិបាលរងក្រុង ស្រុក និង ប្រធាន ការិយាល័យផែនការ និងគាំទ្រឃុំ សង្កាត់ ៕
ប្រកាសចូលកាន់មុខតំណែង លោក ស៊ឹម គង់ ជាប្រធានគណបក្សប្រជាជន កម្ពុជា ស្រុកជើងព្រៃ ជំនួស លោក ឆាយ វ៉ាន់ស៊ី ដែលត្រូវផ្លាស់ប្តូរភារកិច្ចថ្មី
កាលពីថ្ងៃទី៣០ ខែវិច្ឆិកា ឆ្នាំ២០២៤ មានការប្រារព្ធពិធីប្រកាសចូលកាន់មុខតំណែងប្រធានគណបក្សប្រជាជន កម្ពុជា ស្រុកជើងព្រៃ ក្រោមអធិបតីភាព ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ។ លោក ស៊ឹម គង់ ត្រូវបានតែងតាំងជា ប្រធានគណបក្សប្រជាជនកម្ពុជាស្រុកជើងព្រៃ ជំនួស លោក ឆាយ វ៉ាន់ស៊ី ដែលត្រូវផ្លាស់ប្តូរភារកិច្ចថ្មី ។ គួររំលឹកថា លោក ស៊ឹម គង់ ពីមុនមក ជាអតីត អភិបាលស្រុកស្រី សនួរ បានចូលរួមចំណែកយ៉ាងសកម្មក្នុងការអភិវឌ្ឍលើគ្រប់វិស័យ ក្នុងមូលដ្ឋាន ជាពិសេសលើវិស័យហេដ្ឋារចនាសម្ពន្ធមានដូចជាប្រព័ន្ធប្រឡាយទឹក ទំនប់ទឹក ផ្លូវលំ ផ្លូវបេតុង ផ្លូវកៅស៊ូ ជាដើមធ្វើអោយមានការអភិវឌ្ឍរីកចំរើនគួរអោយកោតសរសើរ ៕
លោក ឆាយ សាវុធ ប្រធានមន្ទីរវប្បធម៌ និង វិចិត្រសិល្បះខេត្ត រតនគីរីបានយកចិត្តទុកដាក់ ណែនាំដល់មន្រី្តជំនាញផ្នែកការិយាល័យសិល្បះនិង ទស្សនីយភាព ដើម្បីបង្ហាត់បង្រៀន របាំខ្មែរដល់សិស្សានុសិស្ស
កាលពីថ្ងៃទី០៧ ខែធ្នូ ឆ្នាំ២០២៤ កន្លងមកនេះ អនុវត្តតាមការណែនាំរបស់លោក ឆាយ សាវុធ ប្រធានមន្ទីរវប្បធម៌ និងវិចិត្រសិល្បះខេត្តរតនគីរី មន្ត្រីជំនាញការិយាល័យ សិល្បះនិង ទស្សនីយភាព បាននិងកំពុង បង្ហាត់បង្រៀនរបាំបុរាណខ្មែរ ដល់សិស្សានុសិស្ស សរុបចំនួន៥៦នាក់ ក្នុងនោះសិស្សប្រុសចំនួន ៧ នាក់ ៕
លោក ឆាយ សាវុធ ប្រធានមន្ទីរវប្បធម៍ និង វិចិត្រសិល្បះខេត្តរតនគីរី បានអញ្ជើញចូលរួមក្នុងពិធីបើកវគ្គបណ្តុះបណ្តាលស្តីពីសំលៀកបំពាក់ប្រពៃណីនៅក្នុងពិធីបុណ្យជាតិ ពិធីមង្គលការ និង សុជីវធម៌ ក្នុងការប្រាស្រ័យទាត់ទងគ្នាក្នុងសង្គមខ្មែរ
លោក ឆាយ សាវុធ ប្រធានមន្ទីរវប្បធម៍ និង វិចិត្រសិល្បះខេត្តរតនគីរី បានអញ្ជើញចូលរួមក្នុងពិធីបើកវគ្គបណ្តុះបណ្តាលស្តីពីសំលៀកបំពាក់ប្រពៃណីនៅក្នុងពិធីបុណ្យជាតិ ពិធីមង្គលការ និង សុជីវធម៌ ក្នុងការប្រាស្រ័យទាត់ទងគ្នាក្នុងសង្គមខ្មែរ ។ នៅក្នុងពិធីបើកវគ្គបណ្តុះបណ្តាលនេះដែរបានប្រព្រឹត្តទៅក្រោមអធីបតីភាព លោកជំទាវ នេត្រ ភូម៉ារី រដ្ឋលេខាធិការ តំណាងដ៍ខ្ពង់ខ្ពស់ លោកជំទាវ បណ្ឌិត សភាចារ្យ ភឿង សកុរណា រដ្ឋមន្ត្រីក្រសួងវប្បធម៌ និង វិចិត្រសិល្បះ ។
