ខេត្តត្បូងឃ្មុំ ៖ រសៀលថ្ងៃព្រហស្បតិ៍ ទី១៥ ខែសីហា ឆ្នាំ២០២៤ លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្តបានដឹកនាំមន្ត្រីរាជការ ចូលរួម ក្នុងកិច្ចប្រជុំពិនិត្យវឌ្ឍនភាពការងារឆមាសទី១ និងលើកទិសដៅបន្តឆមាសទី២ និងផែនការសកម្មភាពការងារឆ្នាំ២០២៥ បរិវត្តកម្មឌីជីថល ក្រោមអធិបតីភាព ឯកឧត្តមបណ្ឌិត នួន ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ តាមប្រព័ន្ធនិម្មិត Zoom meeting ៕
ខេត្តកំពង់ចាម ៖ គួររំលឹកថា ក្រោយពីថ្ងៃរំដោះ ៧ មករា ឆ្នាំ១៩៧៩ មក លោកស៊ាន សុគុន ប្រធានមន្ទីរទេសចរណ៍ខេត្តកំពង់ចាម បានចូលរួមចំណែកយ៉ាងសកម្មក្នុងការការពារនិងកសាងប្រទេសជាតិមាតុភូមិ ជាពិសេសលើវិស័យទេសចរណ៍បាននិងកំពុងមានការអភិវឌ្ឍន៍រីកចំរើនទៅមុខជាលំដាប់។ ចំពោះប្រវត្តិនិងសកម្មភាពការងារដែលលោក ស៊ាន សុគុន បានចូលបំរើការងារនៅតាមក្រសួង មន្ទីរ ស្ថាប័នរដ្ឋរួមមាន ពីឆ្នាំ១៩៨៤ដល់ឆ្នាំ១៩៨៩ ជាមន្ត្រីការិយាល័យរដ្ឋបាលនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ចាម។ ពីឆ្នាំ១៩៨៩ ដល់ឆ្នាំ១៩៩៣ ជាមន្ត្រីការិយាល័យរដ្ឋបាលនៃមន្ទីរទេសចរណ៍ខេត្តកំពង់ចាម ។ -ពីឆ្នាំ១៩៩៣ ដល់ឆ្នាំ១៩៩៤ បានទទួលការតែងតាំងជាអនុប្រធានការិយាល័យរដ្ឋបាលនៃមន្ទីរទេសចរណ៍ខេត្តកំពង់ចាម។ ពីឆ្នាំ១៩៩៤ ដល់ឆ្នាំ១៩៩៩ ជាអនុប្រធានមន្ទីរទេសចរណ៍ខេត្តកំពុងចាម ។ ពីឆ្នាំ១៩៩៩ ដល់ឆ្នាំ២០០៩ បានទទួលការតែងតាំងជាប្រធានមន្ទីរទេសចរណ៍ខេត្តកំពង់ចាម រហូតសព្វថ្ងៃនេះ ។ -ដោយសារការខិតខំប្រឹងប្រែងបំពេញការងារនិងមានស្នាដៃជាច្រើននេះហើយលោក ស៊ាន សុគុន ត្រូវបានទទួលគ្រឿងឥស្សរិយយសជាមេដាយចំនួន៣គ្រឿង។ ១/មេដាយមុនីសារាភ័ណ្ឌថ្នាក់សេនាមួយគ្រឿង ២/មេដាយការងារសុវត្ថារាថ្នាក់សេនាមួយគ្រឿង និង ៣/មេដាយការងារថ្នាក់សំរិទ្ធមួយគ្រឿង ៕
ថ្នាក់ដឹកនាំ និងមន្ត្រីរាជការ នៃមន្ទីរអភិវឌ្ឍន៍ជនបទខេត្តត្បូងឃ្មុំ បានប្រកាសគាំទ្រយ៉ាងពេញទំហឹងចំពោះ សារសំឡេងពិសេសរបស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ថ្លែងពន្យល់បន្ថែមអំពីកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV-DTA) ដល់ជនរួមជាតិ។
នាព្រឹកថ្ងៃទី១៦ ខែសីហា ឆ្នាំ២០២៤ គណៈកម្មការអន្តរក្រសួង ដឹងនាំដោយ ឯកឧត្តម ប៊ុន ច័ន្ទវណ្ណៈ រដ្ឋលេខាក្រសួងអភិវឌ្ឍន៍ជនបទ បានអញ្ជើញចុះត្រួតពិនិត្យវាយតម្លៃបញ្ចប់សុពភាព លើការងារស្ថាបនាផ្លូវក្រាលកៅស៊ូDBST ចំនួន១ខ្សែ ប្រវែង៣.៥០០ម៉ែត្រ ទទឹង៦ម៉ែត្រ ចិញ្ចើមផ្លូវសងខាងក្រាលកៅស៊ូដីល្បាយក្រួស ទទឹងម្ខាងៗ១ម៉ែត្រ កម្រាស់0.២ម៉ែត្រ និងសាងសងលូមូលមុខមួយចំនួន១កន្លែង និងស្លាក់ឈ្មោះ១កន្លែង ស្ថិតនៅភូមិបង្ហើរខ្លែង ឃុំត្រពាំងព្រីង ស្រុកតំបែរ ខេត្តត្បូងឃ្មុំ (គម្រោងលេខDRR-NC-2023-No.001) ដែលទទួលអនុវត្តដោយ នាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ។ ក្នុងពិធីចុះពិនិត្យនាឱកាសនោះ ក៏មានការចូលរួមពីសំណាក់ ប្រតិភូក្រសួង និងលោក អាន ស៊ីណា ប្រធានអភិវឌ្ឍន៍ជនបទខេត្តត្បូងឃ្មុំ អាជ្ញាធរមូលដ្ឋានឃុំ ព្រមទាំងប្រជាពលរដ្ឋយ៉ាងច្រើនរូបផងដែរ។ សូមជម្រាបជូនផងដែរថា ៖ ផ្លូវនិងលូដែលបានបញ្ចប់ការសាងសងនេះ ត្រូវបានគណៈប្រតិភូអន្តរក្រសួង វាយត្រួតពិនិត្យវាយតម្លៃលើលទ្ធផលការងារអនុវត្តសម្រេចបាន១០០% ដែលចុះអនុវត្តសាងសងនាថ្ងៃទី៧ ខែកក្កដា ឆ្នាំ២០២៣ គិតមកដល់ត្រឹមថ្ងៃនេះ មានរយៈពេលជាង១៣ខែមកហើយ។ ក្នុងឱកាសចុះត្រួតពិនិត្យវឌ្ឍនភាពការងារខាងលើនេះ ឯកឧត្តម ប៊ុន ច័ន្ទវណ្ណៈ រដ្ឋលេខាក្រសួងអភិវឌ្ឍន៍ជនបទ បានជួបសំណេះសំណាលជាមួយប្រជាពលរដ្ឋ ដោយបានពាំនាំនូវប្រសាសន៍ផ្ដាំផ្ញើសួរសុខទុក្ខ ប្រកបដោយមនោសញ្ចេតនា សេចក្តីនឹករលឹកយ៉ាងជ្រាលជ្រៅបំផុតពីសំណាក់ […]
ខេត្តព្រៃវែង ៖ កាលពីថ្ងៃទី១២ ខែ សីហា ឆ្នាំ២០២៤ កន្លងមកនេះ លោក អ៊ុក សំណាង ប្រធានមន្ទីរកសិកម្មរុក្ខាប្រមាញ់និងនេសាទខេត្តព្រៃវែងបានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំសប្តាហ៍ទី២ ខែសីហា ឆ្នាំ២០២៤ និងលើកទិសដៅសម្រាប់អនុវត្តបន្តប្រចាំសប្តាហ៍ក្រោយជាបន្តទៀត។ សមាសភាព ដែលបានអញ្ជើញចូលរួមក្នុងកិច្ចប្រជុំនេះរួមមាន លោកប្រធានមន្ទីរ,អនុប្រធានមន្ទីរ,លោកនាយខណ្ឌទាំង២ និងលោក លោកស្រី ជាប្រធានការិយាល័យជំនាញទាំង១០ ។ កិច្ចប្រជុំនេះបានប្រព្រឹត្តទៅនៅសាលប្រជុំនៃមន្ទីរកសិកម្មរុក្ខាប្រមាញ់និងនេសាទខេត្តព្រៃវែង។
ថ្នាក់ដឹកនាំ និងមន្ត្រីរាជការទាំងអស់នៃមន្ទីរអភិវឌ្ឍន៍ជនបទខេត្តត្បូងឃ្មុំបានប្តូរ profile Faebook ដើម្បីគាំទ្រយ៉ាងពេញទំហឹងចំពោះសារសំឡេងពិសេសរបស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ថ្លែងពន្យល់បន្ថែមអំពីកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV-DTA) ដល់ជនរួមជាតិ ៕
ខេត្តត្បូងឃ្មុំ៖ នាព្រឹកថ្ងៃពុធ ១០កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៤ ខែសីហា ឆ្នាំ២០២៤ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងលោកជំទាវ បានអញ្ជើញបើកការដ្ឋានស្ថាបនាផ្លូវជនបទក្រាលកៅស៊ូពីរជាន់ (DBST) ១ខ្សែ ប្រវែង ៦,៥៧០គីឡួម៉ែត្រ ទទឹង ៦ម៉ែត្រ តភ្ជាប់ពីផ្លូវជាតិលេខ៧ ត្រង់ចំណុចភូមិបេង ទៅភូមិស្ពាន ឃុំដារ ស្រុកមេមត់ ខេត្តត្បូងឃ្មុំ។ ខ្សែផ្លូវនេះ ស្ថិតក្នុងក្របខ័ណ្ឌគម្រោងខ្សែច្រវាក់ផលិតកម្មដោយភាតរៈបរិស្ថាន ដោយប្រើប្រាស់ហិរញ្ញប្បទានសហប្រតិបត្តិការ រវាងរាជរដ្ឋាភិបាលកម្ពុជា, ធនាគារអភិវឌ្ឍន៍អាស៊ី (ADB) និងមូលនិធិអាកាសធាតុបៃតង នៅក្នុងបរិវេណវត្តគីរីវ័ន្ដស្ពាន ដោយមានការអញ្ជើញចូលរួមពីសំណាក់ ឯកឧត្តម ជាថ្នាក់ដឹកនាំក្រសួងអភិវឌ្ឍន៍ជនបទ, ឯកឧត្តមអភិបាលនៃគណៈអភិបាលខេត្តត្បូងឃ្មុំ ឯកឧត្តម លោក លោកស្រី ជាថ្នាក់ដឹកនាំខេត្ត អាជ្ញាធរមូលដ្ឋានថ្នាក់ស្រុក ឃុំ និងប្រជាពលរដ្ឋក្នុងមូលដ្ឋានយ៉ាងច្រើនកុះករផងដែរ។ ឯកឧត្តមរដ្ឋមន្ដ្រី និងប្រតិភូ បានដឹកនាំចុះពិនិត្យវឌ្ឍនភាព និងស្ថានភាពភាពផ្លូវចំនួន ២ខ្សែ គឺខ្សែទី១ ជាផ្លូវក្រាលកៅស៊ូពីរជាន់ (DBST) […]
ដោយស្មារតីយកចិត្តទុកដាក់ខ្ពស់លោក គង់ សំអឿន នាយកសាលាវិទ្យាល័យរមាសហែក ស្ថិតនៅក្នុងស្រុករមាសហែក ខេត្តស្វាយរៀង បានដឹកនាំលោកគ្រូ អ្នកគ្រូ ចូលរួមដាំដើមកូនគគីចំនួន១០០ដើម នៅក្នុងសួននៃបរិវេណសាលារៀនកាលពីថ្ងៃទី១៦ ខែកក្កដា ឆ្នាំ២០២៤ កន្លងមកនេះ។ កន្លងមកនេះដែរ នៅក្នុងអាណត្តិដែលលោកនាយកកំពុងដឹកនាំសព្វថ្ងៃនេះបានខិតខំរៀបចំកែលំអក្នុងបរិវេណទីធ្លាសាលាអោយកាន់តែល្អប្រសើរ ក្នុងនោះបានចាក់សាប,ក្រាលការ៉ូឡា រៀបចំបង់អង្គុយកំសាន្ត ព្រមទាំងបានកសាងក្លោងទ្វារ នឹងផ្ទាំងប៉ាណូសាលាជាដើម ។ ទាំងអស់នេះគឺជាការខិតខំប្រឹងប្រែង របស់លោកនាយកក្នុងការពង្រឹង និងពង្រីកលើវិស័យអប់រំអោយកាន់តែមានការអភិវឌ្ឍរីកចំរើនទៅមុខជាលំដាប់ ។ នៅទីបញ្ចប់នេះក្នុងនាមជាបងប្អូនសូមនិយាយលេងសើចជាមួយលោកប្អូននាយកបន្តិចខុសត្រូវយ៉ាងណាកុំប្រកាន់។ កន្លងមកជាច្រើនទសវត្សមកហើយធ្លាប់តែឮល្បីឈ្មោះលោក គង់ សំអឿន ជាតារាដើរតួកុនក្នុងសម័យសង្គមរាស្ត្រនិយម។ តែមិននឹកស្មានដល់ក្នុងសម័យថ្មីនេះក៏មានលេចឈ្មោះល្បី លោក គង់ សំអឿន មួយទៀតជាតារា នាយកវិទ្យាល័យរមាសហែកដ៏ស្រស់ស្អាត មានសិល្បៈក្នុងការនិយាយស្តីលេងសើច ចេះកំប្លុកកំប្លែង ធ្វើអោយមជ្ឍដ្ឋានមហាជនជាទូទៅមានការចាប់អារម្មណ៍ និងមានការកោតសសើរផងដែរ ។
ខេត្តស្វាយរៀង ៖ កន្លងមកនេះ លោក គង់ សំអឿន នាយកវិទ្យាល័យរមាសហែកស្ថិតនៅក្នុងស្រុករមាសហែក ខេត្តស្វាយរៀងបានយកចិត្តទុកដាក់ក្នុងការរៀបចំកម្មវិធីស្តីពីការផ្សព្វផ្សាយបញ្ហាភូមិ-ឃុំមានសុវត្ថិភាពក្នុងនោះដែរមានបញ្ហាក្មេងទំនើង,បញ្ហាគ្រោះថ្នាក់ចរាចរណ៍ និងបញ្ហាគ្រឿងញៀនជាដើម ក្រោមអធិបតីភាពលោកស៊ូ ម៉ុលអភិបាលនៃគណៈអភិបាលស្រុករមាសហែក ។ សមាសភាពចូលរួមនៅក្នុងកម្មវិធិនេះរួមមានលោក គល់ ជោតិ នាយករដ្ឋបាលសាលាស្រុករមាសហែកលោកវរៈសេនីយ៍ឯក សំ សំកុល អធិការនគរបាលស្រុករមាសហែក លោកវរៈសេនីយ៍ទោ ប៉ែន ខុន មេបញ្ជាការកងរាជអាវុធហត្ថស្រុករមាសហែក ,លោកវរៈសេនីយ៍ទោ យក់ ភី មេបញ្ជាការសិករងស្រុករមាសហែក ព្រមទាំងលោកនាយក នាយករង លោកគ្រូ អ្នកគ្រូ សិស្សានុសិស្សសរុបមានចំនួន១៣៥០នាក់ ស្រី៦៧០នាក់។ ជាកិច្ចចាប់ផ្តើមនៃកម្មវិធីលោក គង់ សំអឿន នាយកវិទ្យាល័យរមាសហែកបានអញ្ជើញឡើងធ្វើរបាយណ៍សង្ខេប ស្តីពីលទ្ធផលការងារដែលបានអនុវត្តកន្លងមក ទាក់ទងទៅនឹងវិស័យអប់រំរបស់ វិទ្យាល័យរមាសហែក។ បន្ទាប់មកទៀតលោកវរៈសេនីយ៍ឯក សំ សំកុល អធិការនគរបាលស្រុករមាសហែកបានលើកឡើងពីបញ្ហាភូមិ-ឃុំមានសុវត្ថិភាព ក្នុងនោះមានបញ្ហាគ្រោះថ្នាក់ចរាចរណ៍ជាដើម ហើយលោកអធិការក៏បានសំណូមពរដល់អង្គពិធីទាំងមូល នាំគ្នាចូលរួមគោរពច្បាប់ចរាចរណ៍អោយបានគ្រប់ៗគ្នា ដើម្បីសុវត្ថិភាពផ្ទាល់ខ្លួននិងអ្នកដទៃ។ បន្ទាប់ពីលោកនាយកវិទ្យាល័យរមាសហែក និងលោកអធិការនគរបាលស្រុករមាសហែកបានឡើងមានមតិជម្រាបជូនដល់អង្គពិធីទាំងមូលរួចមក លោក ស៊ូ ម៉ុល អភិបាលនៃគណៈអភិបាលស្រុករមាសហែកបានអញ្ជើញឡើងមានមតិបូកសរុបស្តីពីលទ្ធផលនៃកម្មវិធីផ្សព្វផ្សាយ វិធានការណ៍ […]
ខេត្តកំពង់ធំ ៖ ដោយមើលឃើញពីការខ្វះខាតក្នុងសង្កាត់និងការខិតខំប្រឹងប្រែងរបស់លោកយី ហុល ដែលមានទំនាក់ទំនងល្អផងនោះ នៅក្នុងខែ៦ឆ្នាំ២០២៤ ឯកឧត្តម ងួន រតនៈ អតីតអភិបាលខេត្តកំពង់ធំ បានជួយ កសាងសមិទ្ធផលជាច្រើននៅក្នុងសង្កាត់ស្រយ៉ូវ ដែលមានដូចខាងក្រោម៖ -បានជួយកសាងសាលារៀន១ខ្នងមាន៣បន្ទប់នៅភូមិរកា។ ជួយធ្វើផ្លូវបេតុង១ខ្សែ ឆ្លងកាត់ភូមិចំបក់,ភូមិកំរ៉ែង និងភូមិរកា ដែលមានប្រវែង៣៤០០ម៉ែត្រ ក្រៅពីនេះ ឯកឧត្តមបានជួយកូនឈើធ្នង់ចំនួន១៤០០ដើម សម្រាប់ដាំអមសងខាងផ្លូវបេតុង ។ -លោក យី ហុល ក្នុងនាមតំណាងអោយប្រជាពលរដ្ឋក្នុងសង្កាត់ស្រយ៉ូវទាំងមូលបានថ្លែងនូវអំណរគុណយ៉ាងជ្រាលជ្រៅជាទីបំផុតចំពោះឯកឧត្តម ងួន រតនៈ អតីតអភិបាលខេត្តកំពង់ធំ ដែលបានចំណាយថវិកាផ្ទាល់ខ្លួនចូលរួមចំណែកជួយកសាងសមិទ្ធផលជាច្រើនក្នុងសង្កាត់ស្រយ៉ូវ។ លោក យី ហុល ក្នុងនាមតំណាងអោយប្រជាពលរដ្ឋក្នុងសង្កាត់ស្រយ៉ូវទាំងមូល សូមបួងសួងដល់វត្ថុសក្តិសិទ្ធិក្នុងលោកជួយបីបាច់ថែរក្សា ឯកឧត្តម ងួន រតនៈ និងលោកជំទាវ ព្រមទាំងបុត្រាបុត្រីទទួលបាននូវពុទ្ធពរទាំង៤ប្រការ គឺអាយុ វណ្ណៈ សុខៈ ពលៈកុំបីឃ្លៀងឃ្លាតឡើយ។
ខេត្តតាកែវ ៖ ក្រោមការដឹកនាំរបស់លោក គឹម ពន្លក មេឃុំរវៀងស្ថិតនៅក្នុងស្រុកសំរោង ខេត្តតាកែវបានខិតខំប្រឹងប្រែងអនុវត្តការងារកសាងហេដ្ឋារចនាសម្ព័ន្ធក្នុងមូលដ្ឋានសំរេចបានលទ្ធផលជាច្រើនគួរអោយកោតសរសើរ។ ជាលទ្ធផលដោយសារមានការទំនាក់ទំនងល្អរបស់លោកមេឃុំ នៅឆ្នាំ២០២៣ ក្រសួងសាធារណការនិងដឹកជញ្ជូន និងក្រសួងអភិវឌ្ឍជនបទបានរួមសហការជាមួយឃុំុបានធ្វើផ្លូវកៅស៊ូ១ខ្សែប្រវែង៥គីឡូម៉ែត្រ ទទឹង៧ម៉ែត្រ និងបានចាក់ផ្លូវបេតុង១ខ្សែប្រវែង១៥០០ម៉ែត្រ ទទឹង៥ម៉ែត្រ។ លោកមេឃុំបានឱ្យដឹងផងដែរថាសំរាប់ឆ្នាំ២០២៤ វិញ ឃុំនិងខិតខំអនុវត្តធ្វើផ្លូវបេតុងបន្តពីឆ្នាំ២០២៣ គំរោងធ្វើផ្លូវបេតុងប្រវែងប្រមាណជា៦២០ម៉ែត្រ ហើយគំរោងនេះនឹងចាប់ដេញថ្លៃក្នុងពេល ឆាប់ៗខាងមុខនេះ ក្នុងនោះដែរគំរោងធ្វើទ្វារទឹក១កន្លែង ទទឹង៦ម៉ែត្រ នៅភូមិកុកតារៀ។ ក្រៅពីនេះឃុំក៏បានយកចិត្តទុកដាក់ផងដែរក្នុងការកសាងអគារច្រកចេញ-ចូលតែមួយ ដើម្បីបំរើអោយផលប្រយោជន៍ ប្រជាពលរដ្ឋ អគារនេះកសាងពីបេតុងប្រក់សង្ក័សី ដែលមានទំហំ១០ម X ៤ម។ ចំណែកការងារមនុស្សធម៌វិញ ឃុំបានផ្តល់ប័ណ្ណសមធម៌ ដល់ប្រជាពលរដ្ឋក្រីក្របានចំនួន៨៤១នាក់។ ពាក់ព័ន្ធទៅនឹងការងារដោះស្រាយទំនាស់ផ្សេងៗវិញជារៀងរាល់ថ្ងៃ ឃុំតែងតែបានដោះស្រាយ ជូនប្រជាពលរដ្ឋបានជាច្រើនករណីសម្រេចបានប្រមាណជា៩០%។ចំពោះរឿងរ៉ាវខ្លះឃុំសម្របសម្រួលមិនបានឃុំនឹងបញ្ជូនទៅថ្នាក់ខាងលើជួយដោះស្រាយបន្ត។
ខេត្តតាកែវ ៖ បើតាមលោក ស៊ឹម សុខុន មេឃុំទ្រាក្នុងស្រុកសំរោងខេត្តតាកែវបានអោយដឹងថា ក្នុងឃុំមានប្រព័ន្ធប្រឡាយទឹក មានអាងទំនប់ទឹកត្នោតទេ សំរាប់បំរើអោយវិស័យកសិកម្មនៅក្នុងមូលដ្ឋាន,ក្នុងនោះប្រព័ន្ធប្រឡាយទឹកដែលបានស្តាររួចរាល់ហើយក្នុងឆ្នាំ២០២២-២០២៣ បាន១ខ្សែប្រវែងបណ្តោយ១០គីឡូម៉ែត្រ ទទឹង១២ម៉ែត្រជាគំរោងស្តាររបស់ក្រសួងធនធានទឹក និងឧតុនិយម ប្រជាជនអាចធ្វើស្រែបាន១ឆ្នាំ៣ដង ក្នុងភូមិទាំង១១ ក្នុងសង្កាត់។ លោកមេឃុំបានបន្តអោយដឹងទៀតដែរថា ចំណែកក្រសួងកសិកម្មរុក្ខាប្រមាញ់ និងនេសាទ វិញក៏មានគំរោងជួយស្តារប្រឡាយទឹក១ខ្សែផងដែរ ដែលមានប្រវែងបណ្តោយ១០គីឡូម៉ែត្រ ទទឹង១២ម៉ែត្រ ជម្រៅពី៣-៤ម៉ែត្រ គ្រោងស្តារនៅឆ្នាំ២០២៥ ខាងមុខនេះ។ ចំណែកកងវិស្វកម្មរបស់រាជដ្ឋាភិបាលវិញ ក៏បានជួយធ្វើផ្លូវកៅស៊ូ១ខ្សែ ៥គីឡូម៉ែត្រ និងបានជួយសាងសង់ស្ពានចំនួន២កន្លែង ស្ពានទី១ ប្រវែង១២០ម៉ែត្រ ទទឹង១០ម៉ែត្រ ស្ពានទី២ប្រវែង៣០ម៉ែត្រ ទទឹង១០ម៉ែត្រ គំរោងសាងសង់នេះកាលពីឆ្នាំ២០២៣ បានរួចរាល់ជាស្ថាពរ។ យើងក៏បានពិនិត្យឃើញផងដែរពីការយកចិត្តទុកដាក់របស់លោកមេឃុំបានប្រើប្រាស់ថវិកាមូលនិធិឃុំធ្វើផ្លូវបេតុងបាន១ខ្សែប្រវែង៤៥០ម៉ែត្រ ទទឹង៦ម៉ែត្រ ធ្វើផ្លូវក្រាលគ្រួសធម្មជាតិបាន១ខ្សែ ប្រវែង១៣០០ម៉ែត្រ ទទឹង៥ម៉ែត្រ គំរោងធ្វើនេះកាលពីឆ្នាំ២០២៣។ សំរាប់ឆ្នាំ២០២៤ ឃុំមានគម្រោងធ្វើផ្លូវបេតុង១ខ្សែប្រវែង ៧០០ម៉ែត្រ ទទឹង៦ម៉ែត្រ ដែលនឹងចាប់ដេញថ្លៃនៅខែកក្កដា ឆ្នាំ២០២៤ ខាងមុខនេះ។ ពាក់ព័ន្ធទៅនឹងការងារមនុស្សធម៌វិញចាប់ពីឆ្នាំ២០២២ រហូតដល់បច្ចុប្បន្ននេះឃុំបានជួយឧបត្ថម្ភដល់គ្រួសារក្រីក្រ និងគ្រួសារងាយរងហានិភ័យបានចំនួន៤៦១គ្រួសារ ជាថវិការបស់រាជរដ្ឋាភិបាល។ ឃុំក៏បានយកចិត្តទុកដាក់ផងដែរ ក្នុងការសម្របសម្រួលដោះស្រាយនូវរាល់ទំនាស់ផ្សេងៗ មានដូចជាអំពើហិង្សាក្នុងគ្រួសារនិងវិវាទដីធ្លីជាដើម […]
ខេត្តព្រះវិហារ ក្រោមស្នាដៃដឹកនាំរបស់លោក ស៊ាន សុធីរ័ត្ន ជាប្រធានក្រុមប្រឹក្សាសង្កាត់កំពង់ប្រណាកស្ថិតនៅក្នុងក្រុងព្រះវិហារ ខេត្តព្រះវិហារ យើងពិនិត្យឃើញថា កំពុងមានការអភិវឌ្ឍរីកចំរើនផ្លាស់ប្តូរមុខមាត់ថ្មី គួរអោយកោតសរសើរ។ លទ្ធផលជាក់ស្តែង លោកចៅសង្កាត់បានរៀបចំកាវិការិយាល័យធ្វើការងារបានល្អប្រសើរ មានសម្ភារៈប្រើប្រាស់គ្រប់គ្រាន់ និងបានបង្កើតច្រកចេញ-ចូលតែមួយ មុនគេ គឺនៅថ្ងៃទី១ ខែ១២ ឆ្នាំ២០២៣(យានការ)បង្កើតច្រកចេញ-ចូលតែមួយនេះ គឺក្នុងចំណោមឃុំ-សង្កាត់៥១ នៅទូទាំងខេត្ត។ ក្នុងនោះដែរក៏មានតារាងសេវាសម្រាប់ប្រជាពលរដ្ឋពិនិត្យមើលពីតម្លៃសេវាផ្សេងៗផងដែរ។ លោក ស៊ាន សុធីរ័ត្ន បានបន្តទៀតថា លោកបានរៀបចំកែលំអហេដ្ឋានរចនាសម្ព័ន្ធ ក្នុងបរិវេណសាលាសង្កាត់ឲ្យកាន់តែមានល្អប្រសើរ មានដូចជាបានធ្វើក្លោងទ្វារសាលាសង្កាត់តាមស្តង់ដារដ៏ស្រស់ស្អាត និងបានចាក់ផ្លូវបេតុងពីក្លោងទ្វារមកទល់នឹងសាលាសង្កាត់ ដើម្បីងាយស្រួលដល់ការធ្វើដំណើរចេញ-ចូលចុះឡើង ។ ក្រៅពីនេះ លោកចៅសង្កាត់ក៏បានសាងសង់កន្លែងប្រជុំ១ខ្នងផងដែរ សាងសង់ពីដែក ជាជំនួយរបស់សប្បុររសជនពីមុនមកទីតាំងនេះ ជាអគារឈើដែលមានសភាពចាស់ទ្រុឌទ្រោមខូចខាតអស់ទៅហើយ។ ក្នុងនោះដែរក៏បានសាងសង់ឃ្លាំងសម្រាប់ដាក់សម្ភារៈឯកសារផ្សេងៗការកសាងឃ្លាំងនេះក៏ជាជំនួយរបស់សប្បុរសជនផងដែរ។ នៅក្នុងអាណត្តិដែលលោកចៅសង្កាត់កំពុងដឹកនាំសព្វថ្ងៃនេះសំរាប់ឆ្នាំ២០២៣ បានធ្វើផ្លូវបាន១ខ្សែ ប្រវែង២៤៥ម៉ែត្រ និងផ្លូវក្រាលគ្រួសក្រហមប្រវែង៧៧៧ម៉ែត្រ។ សំរាប់ឆ្នាំ២០២៤វិញ សង្កាត់មានគំរោងធ្វើផ្លូវក្រាលគ្រួសក្រហម ជួសជុលផ្លូវ និងធ្វើផ្លូវបេតុង។
ខេត្តត្បូងឃ្មុំ៖ ថ្ងៃអង្គារ៤កើត ខែអាសាឍ ឆ្នាំរោង ឆ ស័ក ព.ស.២៥៦៨ ត្រូវនឹងថ្ងៃទី៩ ខែកក្កដា ឆ្នាំ២០២៤ ឯកឧត្តម ប៉េង សម្បត្តិ អភិបាលរងខេត្ត និងជាប្រធាន PWGខេត្ត បានអញ្ជើញជាអធិបតីក្នុងកិច្ចប្រជុំក្រុមការងារ បច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ខេត្ត ប្រចាំត្រីមាសទី២ ឆ្នាំ២០២៤ ដោយមាន ការអញ្ជើញចូលរួមពីសំណាក់ លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្ត តំណាងនាយកដ្ឋាន ផ្គត់ផ្គង់ទឹកជនបទ នៃក្រសួងអភិវឌ្ឍន៍ជនបទ លោក លោកស្រីជាអភិបាលរងក្រុង ស្រុកទាំង៧ មន្ទីរ អង្គភាព ពាក់ព័ន្ធជុំវិញខេត្ត នៅសាលប្រជុំជាន់ទី២ មន្ទីរអភិវឌ្ឍន៍ជនបទខេត្តត្បូងឃ្មុំ ដែលមានអ្នកចូលរួមសរុបចំនួន ៣១នាក់ ស្រី ៧នាក់។ គោលបំណងក្នុងកិច្ចប្រជុំមានចំនួន ៤ ដូចខាងក្រោម៖ 1 ដើម្បីពិនិត្យវឌ្ឍនភាពនៃការសម្រេចបានស្ថានភាពបញ្ចប់ការបន្ទោរបង់ពាសវាលពាសកាល (ODF) និង បញ្ហាប្រឈមពាក់ព័ន្ធការងារ ODF ខេត្ត 2 ផ្សព្វផ្សាយការសាងសង់ កែលម្អបង្គន់អនាម័យធន់នឹងអាកាសធាតុប្រកបដោយបរិយាបន្ន […]
ខេត្តត្បូងឃ្មុំ៖ នាថ្ងៃសៅរ៍៨រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែមិថុនា ឆ្នាំ២០២៤ លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្ត បានអមដំណើរ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដឹកនាំក្រុមការងារបច្ចេកទេសក្រសួង បានអញ្ជើញពិនិត្យវឌ្ឍនភាពស្ពានចំនួន ៣កន្លែង នៅខេត្តត្បូងឃ្មុំ និងខេត្តកំពង់ចាម។ ស្ពានទាំង ៣កន្លែងនោះ មានដូចខាងក្រោម៖ – ស្ពានទី១៖ ស្ពានអណ្តូងប្រេង មានប្រវែង ៣៨,១២ម៉ែត្រ និងទទឹង ៨ម៉ែត្រ នៅភូមិបឹងកណ្តាល ឃុំមៀន ស្រុកអូរាំងឳ ខេត្តត្បូងឃ្មុំ។ – ស្ពានទី២៖ ស្ពានព្រែកសណ្តាយ មានប្រវែង ៣០ម៉ែត្រ និងទទឹង ៨ម៉ែត្រ នៅភូមិដំណាក់ព្រីងកើត ឃុំមហាលាភ ស្រុកកោះសូទិន ខេត្តកំពង់ចាម។ – ស្ពានទី៣៖ ស្ពានអុងកូ មានប្រវែង ៧២,១៥ម៉ែត្រ និងទទឹង ៨ម៉ែត្រ […]
ខេត្តត្បូងឃ្មុំ៖ នាថ្ងៃអាទិត្យ២រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែមិថុនា ឆ្នាំ២០២៤ លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្ត បានអមដំណើរ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំក្រុមការងារបច្ចេកទេសក្រសួង អញ្ជើញចុះពិនិត្យគុណភាព និងវឌ្ឍនភាពការងារស្ថាបនាផ្លូវបេតុង ចំនួន ១ខ្សែ នៅក្នុងខេត្តត្បូងឃ្មុំ។ ខ្សែផ្លូវនេះជាប្រភេទផ្លូវបេតុង ដែលមាន ៣កំណាត់ ប្រវែងសរុប ៦,១០០គីឡូម៉ែត្រ ទទឹង ៨ម៉ែត្រ និងមានសំណង់សិល្បការ្យមួយចំនួន ឆ្លងកាត់ឃុំទ្រា ទៅឃុំក្រូចឆ្មារ ដែលបានបើកការដ្ឋានសាងសង់នៅក្នុងខែមេសា ឆ្នាំ២០២៤ មានរយៈពេលសាងសង់ចំនួន ១២ខែ គិតដល់ពេលនេះសម្រេចបាន ៣០%។ ផ្លូវនេះស្ថាបនាដោយកងវិស្វកម្ម ក្រសួងការពារជាតិ ដោយប្រើប្រាស់ថវិការបស់រាជរដ្ឋាភិបាល៕
ខេត្តស្ទឹងត្រែង ៖ កាលពីថ្ងៃទី១៥ ខែមិថុនា ឆ្នាំ២០២៤ កន្លងមកនេះ ឯកឧត្តមស្វាយសំអ៊ាង អភិបាលនៃគណៈអភិបាលខេត្តស្ទឹងត្រែងនិងជាប្រធានគណៈកម្មធិការសាខាកាកបាទក្រហមកម្ពុជាខេត្ត និងឯកឧត្តមឈាង ឡាក់ ប្រធានក្រុមប្រឹក្សាខេត្តនិងជាប្រធានកិត្តិយសសាខាកាកបាទក្រហមកម្ពុជា ខេត្តស្ទឹងត្រែង បានដឹកនាំសមាជិកគណៈកម្មធិការសាខាអនុសាខា មន្ត្រីរាជការក្នុងខេត្ត ប្រារព្ធពិធីអបអរសាទរពិធីបុណ្យចំរើនព្រះជន្មថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរព្រះប្រធានកិតិ្តយស កាកបាទក្រហមកម្ពុជា គំរប់ព្រះជន្ម៨៨ យាងចូល៨៩ព្រះវស្សា ដែលបានរៀបចំប្រារព្ធធ្វើឡើង នៅស្នាក់ការកាកបាទក្រហមកម្ពុជាសាខាខេត្តស្ទឹងត្រែង ។
