ឃុំស្លាស្ថិតនៅក្នុងស្រុកសំរោង ខេត្តតាកែវ ជាឃុំមួួយដែលមានអំណោយផល និងសក្តានុពល ផ្នែកធនធានកម្មជាតិ បង្កលក្ខណងាយស្រួល ដល់ប្រជាកសិករក្នុងការបង្កបង្កើនផលលើវិស័យកសិកម្មនៅក្នុងមូលដ្ឋានបានដោយងាយស្រួល មានដូចជាបឹងបទរកានិងទំនប់ទឹក សែនព្រះរាមជាដើម ។
ក្រោមការដឹកនាំរបស់លោក ខឹម ហុល ជាមេឃុំយើងពិនិត្យឃើញថា បានធ្វើប្រព័ន្ធប្រឡាយទឹកដែលមានស្ថានីយ៍បូមទឹកចំនួន៣កន្លែងសំរាប់បំរើអោយវិស័យកសិកម្ម ក្នុងនោះ ដែរប្រឡាយមេមាន៣កន្លែង គឺប្រឡាយមេទី១ គឺចាប់ពីទំនប់សែនព្រះរាម ភូមិកញ្ចាង មកទល់នឹង ភូមិបឹងកន្ទ្រន់ ប្រវែង ៥២០០ម៉ែត្រ ។
ប្រឡាយមេទី២ចាប់ពីភូមិស្រីប្រសើរមកទល់នឹងភូមិកន្ទ្រង់ព្រេចប្រវែង៤២០០ម៉ែត្រ និងប្រឡាយ មេទី៣ ចាប់ពីភូមិត្រពាំងត្រាវ មកទល់នឹង ភូមិអង្គចង្អេប្រវែង៣០០ម៉ែត្រ ។ ទាំងអស់នេះជាស្ថានីយ៍បូមទឹកសំរាប់ អន្តរាគមន៍គ្រោះរាំងស្ងួត ។
ការងារក្រៅពីនេះលោកមេឃុំ ក៍បានយកចិត្តទុកដាក់ផងដែរ ក្នុងការជួសជុលកែលំអហេដ្ឋារចនាសម្ពន្ធក្នុងបវិវេណសាលាឃុំអោយកាន់តែល្អប្រសើរមានដូចជាចាក់ដីបំពេញខាងមុខសាលាឃុំធ្វើសួនច្បារ និង ចាក់ដីបំពេញខាងក្រោយសាលាឃុំ កសាងរោងដាក់ឡាន ម៉ូតូសាងសង់ពីដែកប្រក់សង្កសីទំហំ ៨ម៉ែត្រ ១២ម៉ែត្រ ។
លោកមេឃុំក៏បានរៀបចំប្រព័ន្ធការងារសន្តិសុខផងដែរបានតម្លើងម៉ាស៊ីនអាយខូម សំរាប់ទទួលពត៌មានសន្តិសុខនិងពត៌មានផ្សេងៗក្នុងឃុំទីតាំងតម្លើងម៉ាស៊ីនអាយខូមនេះគឺស្ថិតនៅក្នុងបរិវេណសាលាឃុំអាយខូមសំរាប់ទាក់ទងមានគ្រប់ភូមិទាំង១៣ភូមិ ៕
