ខេត្តស្វាយរៀង ៖ កាលពីថ្ងៃទី២៥ ខែមេសា ឆ្នាំ២០២៣ លោក ហែម ស៊ីណា អភិបាលស្រុករំដួល និងជាប្រធានកិត្តិយសអនុសាខាកាកបាទក្រហមកម្ពុជាស្រុករំដួល និងក្រុមការងារ បានចុះចែកអំណោយមនុស្សធម៌ដល់ប្រជាពលរដ្ឋដែលមានជីវភាពខ្វះខាតចំនួន៣គ្រួសារ ស្ថិតនៅឃុំស្វាយចេកចំនួន២គ្រួសារ និងឃុំម៉ឺនជ័យ ១គ្រួសារ ក្នុងស្រុករំដួល ខេត្តស្វាយរៀង ។
លោក ហែម ស៊ីណា បានឲ្យដឹងថា ដោយមើលឃើញពីការរស់នៅរបស់បងប្អូនប្រជាពលរដ្ឋមានជីវភាពលំបាក ខ្វះខាត រូបលោក និងក្រុមការងារបាននាំយកអំណោយមនុស្សធម៌ជូនដល់ពួកគាត់ដើម្បីដោះស្រាយមួយគ្រាសិន ថ្វីត្បិតតែអំណោយមនុស្សធម៌នេះតិចតួចក្តី តែក៏អាចជួយដោះស្រាយនូវការលំបាកបានមួយរយៈពេលខ្លីផងដែរ ។
នៅក្នុងឱកាសនោះដែរ លោក ហែម ស៊ីណា អភិបាលស្រុករំដួល ក៏បានពាំនាំនូវការផ្តាំផ្ញើសាកសួរសុខទុក្ខ និងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចតែងតែគិតគូរដល់សុខទុក្ខប្រជាពលរដ្ឋ គ្រប់ស្រទាប់វណ្ណៈ ដោយមិនប្រកាន់ពណ៌សម្បុរ ពូជសាសន៍ ឬនិន្នាការនយោបាយអ្វីឡើយ ។ ស្របតាមពាក្យស្លោកថា “ទីណាមានទុក្ខលំបាក ទីនោះមានកាកបាទក្រហមកម្ពុជា” ៕
