គួររំលឹកថា វិទ្យាល័យហ៊ុន សែនស្នួល មានទីតាំងស្ថិតនៅក្នុងភូមិផ្សាស្នួល ឃុំស្នួលស្រុកស្នួល ខេត្តក្រចេះ ក្រោមការដឹកនាំរបស់លោក និន ច័ន្ទថន ជានាយសាលា មានទំនាក់ទំនងល្អ ជាមួយសប្បុរស ជនក្នុងការស្វែងរកជំនួយពីសប្បុរសជនដើម្បីកសាងហេដ្ឋារចនាសម្ពន្ធក្នុងសាលាធ្វើអោយមានការអភិវឌ្ឍន៍រីកចំរើនទៅមុខជាលំដាប់កួរអោយកោតសរសើរ ។ លទ្ធផលជាក់ស្តែង អំណោយរបស់សម្តេច តេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ធសភា និងជាឧត្តមក្រុមប្រឹក្សាព្រះមហាក្សត្របានជួយកសាងអគារសិក្សាចំនួន៦ខ្នងក្នុងនោះអគារ២ជាន់មាន២ខ្នង និង អគារសិក្សា២ខ្នងទៀតជាអំណោយរបស់ក្រសួងអប់រំ ។ ក្រៅពីនេះលោកនាយក ក៌បានយកចិត្តទុកដាក់ផងដែរក្នុងការកសាងរូបសំណាកចំពោះបុព្វបុរសដែលមានស្មាដៃចំពោះប្រទេសជាតិមាតុភូមិមានដូចជា រូបសំណាកសម្តេចព្រះសង្ឃរាជ ជោតញ្ញាណោ ជូន ណាត មួយកន្លែង រូបសំណាកព្រះបាទជ័យវរ្ម័នទី៧ មួយកន្លែង រូបសំណាក លោកតាក្រម ង៉ុយមួយកន្លែង ។ ការកសាងសង់នេះរៀបចំឡើង ដោយលោកប្រធានគណៈកម្មការគ្រប់គ្រងសាលារៀន និងសមាជិកគណៈកម្មការទាំងអស់មានលោកគ្រូអ្នកគ្រូជាដើម ។ ពាក់ព័ន្ធទៅនឹងវិស័យអប់រំវិញក៌មានសន្ទុះជឿនលឿនរីកចំរើនគួរអោយកត់សំគាល់ផងដែរ ក្នុងនោះសំរាប់ឆ្នាំ២០២៤កន្លងមកនេះ ស្ថិតិបេក្ខជនប្រឡងសំរាប់ខែតុលា ឆ្នាំ២០២៤ សរុបជាភាគរយៈបេក្ខជនប្រឡងជាប់ជានិទ្ទេស (A)ចំនួន៧នាក់ស្រី២នាក់ និទ្ទេស (B) សរុប២០នាក់ ស្រី១៨នាក់ និទ្ទេស(C)សរុប៥០នាក់ស្រី៣៩នាក់ និងនិទ្ទេស(D)សរុប១០០នាក់ ស្រី៦១នាក់ […]
