ខេត្តកំពត ៖ លទ្ធផលការងារដែលលោក មាស តុ ប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលស្រុកបន្ទាយមាស ខេត្តកំពត បានខិតខំអនុវត្តសម្រេចបាននាពេលកន្លងមក មានដូចជា បានរៀបចំហេដ្ឋារចនាសម្ព័ន្ធ និងដីសាធារណផ្សេងៗ នៅភូមិព្រៃក្រឡាខាងលិច និងភូមិទូកមាស ស្ថិតនៅក្នុងឃុំទូកមាសខាងលិច ។ ភូមិស្រែកាន់ចិន និងភូមិច្រកស្តៅ ស្ថិតនៅក្នុងឃុំទូកមាសខាងកើត ភូមិកណ្តាញ់ និងភូមិលំទំពូង ស្ថិតនៅក្នុងឃុំបន្ទាយមាសខាងលិច ។ -ផ្នែកការងារសំណង់ បានចុះត្រួតពិនិត្យតាមបណ្តាការដ្ឋានសំណង់ផ្សេងៗ និងបានចេញលិខិតអនុញ្ញាតសាងសង់ចំនួន០៧លំនៅដ្ឋាន ។ ផ្នែកការងារភូមិបាល បានផ្ទេរវិញ្ញាបនបត្រសម្គាល់ម្ចាស់អចលនវត្ថុចំណួន៥៦២ប័ណ្ណ ។ ផ្នែកការងារចុះបញ្ជីដីធ្លីមានលក្ខណៈជាប្រព័ន្ធ បានចែកប័ណ្ណសររុប៣៨៧ប័ណ្ណ ។ បានប្រមូលទិន្នន័យនៅភូមិហុងស៊ុយ ឃុំបន្ទាយមាសខាងលិច បាន៣០០ក្បាលដី , បានប្រកាសតំបន់វិនិច្ឆ័យចំនួន៥ភូមិ ក្នុងនោះមានភូមិហុងស៊ុយ,ភូមិព្រៃលើ, ភូមិត្បាល់កិន, ភូមិទង់លាង និងភូមិកន្សោមអកក ស្ថិតនៅក្នុងឃុំបន្ទាយមាសខាងលិច និងបានប្រកាសទិន្នន័យក្បាលដីចំណួន១២២៦ក្បាលដី នៅភូមិទូកមាស ស្ថិតនៅក្នុងឃុំទូកមាសខាងលិច ។ ផ្នែកការងារគណៈកម្មការសុរិយោដី បានដោះស្រាយសម្រុះសម្រួលវិវាទដីធ្លី បានចំនួន០៧ករណី បានសម្រុះសម្រួលសះជានឹងគ្នា និងកំពុងដោះស្រាយបន្តចំនួន៦ករណីទៀត ៕
