ប្រជាពលរដ្ឋជាច្រើនបានវាយតម្លៃថាជាថ្នាក់ដឹកនាំដែលបានខិតខំអនុវត្តការងារកសាងមូលដ្ឋាន និងការងារមនុស្សធម៌សម្រេចបានលទ្ធផលជាច្រើនគួរអោយកោតសរសើរ។ សមទ្ធិផលដែលសម្រេចបានមានដូចជា បានធ្វើផ្លូវបេតុងបានចំនួន២ខ្សែ ប្រវែងសរុប៨៨៤ម៉ែត្រដែលមានទទឹង៥ម៉ែត្រ ។ធ្វើលូបណ្តោះទឹកតាមផ្លូវបាន៨លូ មុខលូ១ម៉ែត្រ៤ជ្រុង ពីលូមួយទៅលូមួយប្រវែង៥០ម៉ែត្របង្កប់ទុយោក្នុងដី។ ធ្វើផ្លូវលំចាក់ដីស និងចាក់កំទេចថ្មពីលើប្រវែង៦០០០ម៉ែត្រ។ គំរោងអភិវឌ្ឍផ្លូវបេតុង១ខ្សែប្រវែងប្រមាណ៩០០ម៉ែត្រក្នុងឆ្នាំ២០២៤ វាស់វែងរួចរាល់អស់ហើយ ។ សំរាប់ឆ្នាំ២០២៣កន្លងមកនេះ ឃុំបានផ្តល់ប័ណ្ណក្រីក្រដែលមានជីវភាពខ្វះខាតក្រ១និងក្រ២ ចំនួន៣៤៩នាក់ ចែកប័ណ្ណដល់ជនពិការបាន១២៣នាក់។ ក្រៅពីនេះឃុំបានធ្វើការសម្ភាសន៍ប្រជាពលរដ្ឋក្រ១បានចំនួន៨នាក់ ក្រ២បានចំនួន២៣នាក់ហានិភ័យចំនួន៦៦នាក់ការសម្ភាសន៍នេះ ក្នុងឆ្នាំ២០២៣ មិនទាន់ធ្លាក់ប័ណ្ណនៅឡើយ។ លោកមេឃុំបានអោយដឹងថា រាជរដ្ឋាភិបាលបានជួយឧបត្ថម្ភជាថវិការផងដែរ ដល់ស្ត្រីដែលមានផ្ទៃពោះ រហូតដល់មានកូនអាយុក្រោម២ឆ្នាំ ដែលមានជីវភាពខ្វះខាតក្រីក្រក្នុង១នាក់ទទួលបាន១លានហាសិបពីរម៉ឺនរៀលក្នុងនោះដែរអ្នកមានផ្ទៃពោះត្រូវមកពិនិត្យផ្ទៃពោះជារៀងរាល់ខែ។ លោកមេឃុំក៏បានយកចិត្តទុកដាក់ផងដែរទៅលើការងារបំរើសេវាសាធារណៈជូនប្រជពលរដ្ឋបានទាន់ពេលវេលាមានដូចជា សំបុត្រកំណើត សំបុត្រអាពាហ៍ពិពាហ៍ សំបុត្រមរណៈភាព ជាដើមដោយមិនគិតលុយ ។
