ខេត្តសៀមរាប ៖ កាលពីព្រឹកថ្ងៃទី២៩ ខែវិច្ឆិកា ឆ្នាំ២០២៣ នៅវេទិកាបុណ្យអុំទូក ឯកឧត្តម ប្រាក់ សោភ័ណ អភិបាលនៃគណៈខេត្តសៀមរាប បានជួបសំណេះសំណាលជាមួយបងប្អូនចំនួន១៧៦នាក់ដែលជាអ្នកសំអាត បរិស្ថានអនាម័យ ការផ្គត់ផ្គង់បន្គន់អនាម័យចល័ត ការសំអាតប្រមូលទុកដាក់ដឹកជញ្ជូនសម្រាមសំណល់រាវ និងការងារផ្សព្វផ្សាយអប់រំ បរិស្ថានក្នុងព្រះរាជពិធីបុណ្យអុំទូក ដែលមកពី៤អង្គភាពមន្ទីរបរិស្ថានខេត្ត ក្រុមហ៊ុន Gaea.plc ក្រុមហ៊ុន Cintri ក្រុមហ៊ុន Active Green គ្រឹះស្ថានអង្គរ។
ឯកឧត្តម ប្រាក់ សោភ័ណ្ឌ បានធ្វើការកោតសរសើរនិងថ្លែងអំណរគុណចំពោះបងប្អូនក្រុមការងារ សំអាតអនាម័យ បរិស្ថាន ទាំងអស់ប្រកបដោយការយកចិត្តទុកដាក់ខ្ពស់នៅក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ក្នុងឆ្នាំ២០២៣នេះ ដោយមិនគិតពីការនឿយហត់ឡើយ បានលះបង់ពេលវេលាធ្វើការសំអាតមិនឱ្យប៉ះពាល់ដល់អារម្មណ៍បងប្អូនប្រជាជលរដ្ឋ និងភ្ញៀវជាតិ អន្តរជាតិដែលបានមកចូលរួមកម្សាន្តក្នុង រយៈពេល៤ថ្ងៃ នៃកម្មវិធីនេះ ។ ក្នុងនោះដែរ ឯកត្តមអភិបាលខេត្ត បាននាំយកនូវវត្ថុកំដរដៃជូនដល់បងប្អូនអ្នកសំអាតអនាម័យទាំង១៧៦ នាក់ ដោយក្នុងម្នាក់ៗទទួលបានទឹកសុទ្ធ១កេស ភេសជ្ជៈ១កេស និងថវិកាចំនួន ១០ម៉ឺនរៀល ។
