ខេត្តឧត្តរមានជ័យ ៖ កាលពីថ្ងៃ១៥ ខែវិច្ឆិកា ឆ្នាំ២០២៣ កន្លងមកនេះ នៅសាលប្រជុំធំសាលាខេត្តឧត្តរមានជ័យ បានរៀបចំកិច្ចប្រជុំ សាមញ្ញមួយលើកទី៥២ របស់ក្រុមប្រឹក្សាខេត្តអាណត្តិទី៣ ក្រោមអធិបតីភាពឯឧត្តម ស៊ី ប្រាសិទ្ធ ប្រធានក្រុមប្រឹក្សាខេត្ត និងឯកឧត្តម ប៉ែន កុសល្យ ជាអភិបាលនៃគណៈអភិបាលខេត្ត ឧត្តរមានជ័យ។
នៅក្នុងកិច្ចប្រជុំនេះដែរ ក៏មានការអញ្ជើញចូលរួមពី ឯកឧត្តមលោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លេខាធិការដ្ឋាន សាលាដំបូងខេត្ត តំណាងពន្ធនាគារខេត្ត កងកម្លាំងទាំង៣ប្រភេទខេត្ត លោកនាយក នាយករង រដ្ឋបាលសាលាខេត្ត លោកអភិបាល អភិបាលរងក្រុង ស្រុក លោក លោកស្រី ប្រធានក្រុមប្រឹក្សាក្រុង ស្រុក ។
ជាមួយគ្នានេះដែរ ក៏មានលោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត លោក លោកស្រី នាយកទីចាត់ការសាលាខេត្ត និងមន្ត្រីចំណុះសាលាខេត្ត បានអញ្ជើញចូលរួមជាច្រើននាក់នៅក្នុងកិច្ចប្រជុំនេះផងដែរ ។
