ខេត្តបន្ទាយមានជ័យ ៖ នាព្រឹកថ្ងៃទី២៧ ខែវិច្ឆិកា ឆ្នាំ២០២៣ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញជួបសំណេះសំណាលសួរសុខទុក្ខ និងបាននាំយកថវិកាចំនួន ៨លានរៀល ឧបត្ថម្ភដល់ក្រុមកីឡាករបាល់ទះ និងលោកគ្រូបង្វឹកផងដែរ ។
លោកឧត្តមសេនីយ៍ទោ ស្នងការខេត្តក៏បានសម្តែងនូវការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងអស់ពីកម្លាំងកាយកម្លាំងចិត្តនិងអស់ពីសមមត្ថភាពក្នុងនាមជាអ្នកកីឡាករទោះបីជាលទ្ធផលបែបណាក៏នៅតែមានស្នាមញញឹម ។
ជាមួយគ្នានេះដែរ លោកស្នងការខេត្តក៏បានឧបត្ថម្ភជាថវិកាដល់កីឡាករក្នុង១នាក់៤០០,០០០រៀលនិងក្រុមលោកគ្រូបង្វឹក ។ គួររំលឹកថាក្លឹបកីឡាបាល់ទះស្នងការដ្ឋាននគរបាលខេត្តបន្ទាយមានជ័យ ត្រូវបានបង្កើតឡើងនៅថ្ងៃ១៥ ខែមិថុនា ឆ្នាំ២០២២ ដែលមានលោកឧតត្តមសេនីយ៍ទោ សិទ្ធិ ឡោះ ជាស្ថាបនិក និងមានលោកឧត្តមសេនីយ៍ត្រី រ៉ែម វិរៈលោកឧត្តមសេនីយ៍ត្រី ង៉ាន់ ចិន្តា ជាគ្រូបង្វឹក លោកវរសេនីយ៍ទោ វឹក វើន ជាគ្រូជំនួយ។
លោកស្នងការខេត្តបានឲ្យដឹងថាក្រុមកីឡាក្លឹបបាល់ទះមួយនេះ ធ្លាប់បានចូលរួមប្រកួតដណ្តើមពាន់រង្វាន់សម្តេចក្រឡាហោម ស ខេង ចំនួន២លើករួចមកហើយគឺនៅឆ្នាំ២០២២ និងឆ្នាំ២០២៣ ។ ធ្លាប់ចូលរួមប្រកួតកីឡាបាល់ទះថ្នាក់ខេត្តនៅតំបន់បឹងជង្រុក ស្រុកម៉ាឡៃ ទទួលបានជ័យជំនះ ជាម្ចាស់ពានរង្វាន់ សម្តេចតេជោ ហ៊ុន សែន ផងដែរ ។
