ខេត្តស្វាយរៀង ៖ កាលពីថ្ងៃទី១២ ខែមករា ឆ្នាំ២០២៤ កន្លងមកនេះឯកឧត្តម ប៉េង ពោធិ-សា អភិបាលនៃគណៈអភិបាលខេត្តស្វាយរៀង និងឯកឧត្តម ឧត្តមសេនីយ៍ឯក កឹង ឃន អគ្គស្នងការរងនគរបាលជាតិ តំណាងឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជាអធិបតី ក្នុងពីធីសម្ពោធ ដាក់អោយប្រើប្រាស់ជាផ្លូវការ អគារធ្វើការថ្មីនៃអធិការដ្ឋាននគរបាលស្រុកកំពង់រោទិ៍ ខេត្តស្វាយរៀង ។
នៅក្នុងពិធីនេះដែរ ក៏មានការអញ្ជើញចូលរួមពីឯកឧត្តមអភិបាលរងខេត្ត លោកឧត្តមសេនីយ៍ទោ ស្នងការនគរបាលខេត្ត លោកអនុប្រធាន នាយកដ្ឋាន កណ្តាលព្រំដែន លោក លោកស្រី ឧត្តមសេនីយ៍ វរសេនីយ៍ ស្នងការរងនគរបាលខេត្តលោកមេបញ្ជាការរង កងរាជអាវុធហត្ថខេត្ត លោក លោកស្រី នាយ នាយរងការិយាល័យ លោកអធិការនគរបាលក្រុង,ស្រុកទាំង៨ លោកនាយរងប៉ុស្តិ៍ នគរបាលច្រកទ្វារព្រំដែន អន្តរជាតិព្រៃវល្លិ៍ ។
ក្រៅពីនេះ ក៏មានការអញ្ជើញចូលរួមពីលោកមេបញ្ជាការវរសេនាតូច នគរបាលការពារព្រំដែនគោកទាំង២ លោកមេបញ្ជាការមូលដ្ឋាន កងរាជអាវុធហត្ថស្រុក លោកមេបញ្ជាការផ្នែកសឹករងស្រុក លោក លោកស្រី អធិការរង នាយ,នាយរងផ្នែក មន្ត្រីនៃអធិការដ្ឋាននគរបាលស្រុក,លោកមេឃុំសប្បុរសជនជាច្រើនរូបផងដែរ ។
អគារធ្វើការថ្មី ដែលដាក់សម្ពោធអោយប្រើប្រាស់ជាផ្លូវការនាពេលនេះ គឺផ្តួចផ្តើមកសាងឡើងដោយ ឯកឧត្តម ឧត្តមសេនីយ៍ឯក កឹង ឃន អគ្គស្នងការរងនគបាលជាតិដែលសាងសង់អំពីបេតុងដំបូលស័ង្កសី ដែលមានបណ្តោយ២៣,២ម៉ែត្រ ×៦,៨ម៉ែត្រ មាន២ជាន់ (ដោយមិនគិត
ពីជាន់ផ្ទាល់ដី)ស្មើនឹង១២បន្ទប់ ដែលទើបនឹងសាងសង់រួចរាល់ជាស្ថាពរ ចំណាយថវិការអស់ប្រមាណជា១៤ម៉ឺនដុល្លាអាមេរិក ស្ថិតនៅភូមិស្វាយអាណាត ឃុំញ័រ ស្រុកកំពង់រោទិ៍ ខេត្តស្វាយ-រៀង ៕
