ខេត្តសៀមរាប ៖ កាលពីថ្ងៃទី ១៨ ខែមករា ឆ្នាំ២០២៣ ឯកឧត្តមទៀ សីហា អភិបាលនៃគណៈអភិបាលខេត្តសៀមរាប និងក្នុងនាមឯកឧត្តមជាអនុប្រធានសហភាព សហព័ន្ធយុវជនកម្ពុជា ទទួលបន្ទុកខេត្តសៀមរាប និងជាប្រធានចង្កោមទី០៨ នៃព្រឹត្តិការណ៍អង្គរសង្ក្រានឆ្នាំ២០២៣ បានដឹកនាំកិច្ចប្រជុំ ស្តីពីវឌ្ឍនភាពការងារក្នុងចង្កោមទី០៨ នៃព្រឹត្តិការណ៍អង្គរសង្ក្រានឆ្នាំ២០២៣ ដែលគ្រោងនឹងប្រព្រឹត្តទៅនៅថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៣ នៅលើទឹកដីអង្គរដ៏បវរ នៃយើងក្នុងខេត្តសៀមរាប ។
