ខេត្តកំពង់ធំ ៖ ដោយលមើលឃើញពីការខិតខំប្រឹងប្រែងរបស់លោក យី ហុល ចៅសង្កាត់ស្រយ៉ូវ ក្នុងក្រុងស្ទឹងសែន និងមានការខ្វះខាតមូលនិធិសម្រាប់កសាងមូលដ្ឋានផងនោះ។ ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំ បានជួយកសាងផ្លូវបេតុងអាប៉េចំនួន២ខ្សែ និងជួយកសាងសាលាបឋមសិក្សា១ខ្នងមាន៣បន្ទប់ដូចខាងក្រោម ៖
ផ្លូវបេតុងអាប៉េ១ខ្សែ ប្រវែងទទឹង ៥ម៉ែត្រ បណ្តោយ៩២១ម៉ែត្រ ស្ថិតនៅក្នុងភូមិកំពង់សំរោង។ និង១ខ្សែទៀតប្រវែងទទឹង៥ម៉ែត្រ បណ្តោយប្រវែង៤៤៤ម៉ែត្រ ស្ថិតនៅក្នុងភូមិកំរ៉ែង ។
ក្នុងនោះដែរ ឯកឧត្តមអភិបាលខេត្តក៏បានចាប់ផ្តើមជួយកសាងសាលាបឋមសិក្សា១ខ្នងមាន៣បន្ទប់ ស្ថិតនៅក្នុងភូមិរកាសាងសង់ពីថ្មប្រក់ក្បឿង កាលពីថ្ងៃទី១៥ ខែកុម្ភៈ ឆ្នាំ២០២៤ ។
លោកចៅសង្កាត់ក៏បានអោយដឹងផងដែរថា ចំពោះប្រាក់មូលនិធិសង្កាត់បានកសាងផ្លូវបេតុងអាប៉េ បាន១ខ្សែ ដែលមានប្រវែងទទឹង៦ម៉ែត្រ បណ្តោយ៧០០ម៉ែត្រ ស្ថិតនៅក្នុងភូមិពុកយុក។ ក្រៅពីនេះលោកចៅសង្កាត់ក៏បានយកចិត្តទុកដាក់ផងដែរ ក្នុងការបំរើសេវាសាធារណៈជូនប្រជាពលរដ្ឋបានទាន់ពេលវេលាមានដូចជាបញ្ជាក់កំណើតបានចំនួន២៣៩សន្លឹក សំបុត្រកំណើតចំនួន២៩២សន្លឹក សំបុត្រអាពាហ៍ពិពាហ៍ចំនួន២៧៥គូរ សំបុត្រមរណៈភាពចំនួន១៥៤សន្លឹក សរុបទាំងអស់២០២៣សន្លឹក/នាក់ ។
ចំណែកការងារមនុស្សធម៌ សមធម៌ វិញក្រុមការងារសង្កាត់បានធ្វើការសម្ភាសន៍ជនពិការភាពបានចំនួន២៣៨ និិងគ្រួសារងាយរងហានិភ័យ សម្ភាសន៍បានចំនួន៩៦១ គ្រួសារនិងគ្រួសារក្រីក្រសម្ភាសន៍បានចំនួន៥៣៨គ្រួសារសរុបការសម្ភាសន៍ទាំងអស់នេះមិនទាន់ចេញលទ្ធផលនៅឡើយ ។
