ក្រុងដូនកែវ ៖ លោក ផង់ ពិន ជាចៅសង្កាត់រកាក្នុងក្រុងដូនកែវខេត្តតាកែវត្រូវបានមជ្ឈដ្ឋានទូទៅមើលឃើញថាជាថ្នាក់ដឹកនាំដ៏សកម្មម្នាក់បានខិតខំបំរើប្រជាពលរដ្ឋនិងមានស្នាដៃច្រើនក្នុងការអភិវឌ្ឍនៅក្នុងមូលដ្ឋានសំរេចបានលទ្ធផលគួរអោយកោតសរសើរ ។
ដោយសារតែការខិតខំប្រឹងប្រែងបំរើប្រជាពលរដ្ឋនិងការកសាងមូលដ្ឋានសំរេចបានលទ្ធផលជាច្រើននេះហើយបានធ្វើអោយប្រជាពលរដ្ឋមានទំនុកចិត្តកក់ក្តៅបោះឆ្នោតជូនលោកឲ្យធ្វើជាប្រធានក្រុមប្រឹក្សាសង្កាត់ចំនួន៥អាណត្តិរួចមកហើយ។ បើគិតពីប្រវត្តិការងាររបស់លោកចៅសង្កាត់ គឺចាប់ពីឆ្នាំ១៩៨៨ រហូតដល់ឆ្នាំ២០០៩ បានជាប់ជាចៅសង្កាត់រហូតដល់សព្វថ្ងៃនេះ។
-ចំពោះការងារអភិវឌ្ឍនៅក្នុងមូលដ្ឋានវិញសំរាប់ឆ្នាំ២០២៣បានធ្វើផ្លូវបេតុងអាម៉េបានចំនួន២ខ្សែប្រវែង១១២៥ម៉ែត្រនិងបានជួសជុលថែទាំផ្លូវលំផ្លូវក្រាលគ្រួសធម្មជាតិប្រវែង១០០០ម៉ែត្រ។ ក្រៅពីនេះឃុំបានជួយឧបត្ថម្ភជាថវិកាដល់គ្រូមត្តេយ្យចំនួន២កន្លែងចំនួន១០លាន៨០ម៉ឺនរៀល និងបានផ្សព្វផ្សាយពីគោលនយោបាយ ភូមិឃុំ សង្កាត់ មានសុវត្ថិភាពក្នុង១ខែ២ទៅ៣ដងក្នុងរយៈពេល១ឆ្នាំ ។
គំរោងអភិវឌ្ឍសំរាប់ឆ្នាំ២០២៤ ឃុំមានគំរោងធ្វើផ្លូវបេតុងអាម៉េចំនួន៣ខ្សែប្រវែង១៨៦៧ម៉ែត្រ ក្នុងនោះភូមិព្រៃព្រហ្មប្រវែង៨៧០ម៉ែត្រ ភូមិច្រេសប្រវែង៥៥០ម៉ែត្រភូមិស្នោរប្រវែង៤៤៧ម៉ែត្រ គិតជាទឹកប្រាក់អស់ប្រមាណជា៤៣៨លានរៀល គំរោងនេះបានសិក្សារួចហើយនៅតែដេញថ្លៃតែប៉ុណ្ណោះ ។
-ចំណែកការងារបំរើសេវាសាធារណៈជូនប្រជាពលរដ្ឋវិញសំរេចបានលទ្ធផលជាច្រើនមានដូចជាលិខិតបញ្ជាក់ភាពនៅលីវ មេម៉ាយ ពោះម៉ាយ បានចំនួន៣៣ច្បាប់បូកយោងសរុបចំនួ១៤៤ច្បាប់ លិខិតបញ្ជាក់ទីលំនៅបានចំនួន១៨ច្បាប់ បូកយោងសរុប៨០ច្បាប់។
លិខិតបញ្ជាក់លើកិច្ចសន្យាខ្ចីប្រាក់ចំនួន៩២ច្បាប់បូកយោងសរុបចំនួន៤៧២ច្បាប់។ ល។ និងមានលិខិតស្នាមផ្សេងៗទៀតចំន៩៤ច្បាប់បូកយោងសរុបចំនួន៣១៤ច្បាប់។
