ខេត្តតាកែវ ៖ ឃុំបឹងត្រាញខាងជើងគឺជាឃុំមួយស្ថិតនៅក្នុងស្រុកសំរោងខេត្តតាកែវ ក្រោមការដឹកនាំរបស់លោក ញ៉េប ឡេង ពីមួយឆ្នាំទៅមួយឆ្នាំចេះតែមានការអភិវឌ្ឍរីកចំរើនទៅមុខជាលំដាប់គួរអោយកត់សម្គាល់លទ្ធផលជាក់ស្តែងមានដូចខាងក្រោម។
-លទ្ធផលការងារសំរាប់ឆ្នាំ២០២៣ បានធ្វើអណ្តូងស្នប់បាន១១អណ្តូងជាជំនួយរបស់លោកជំទាវបណ្ឌិតពេជ ចន្ទមុនី ហ៊ុន ម៉ាណែត។ ធ្វើផ្លូវបេតុងអាម៉េ១ខ្សែប្រវែង១៤០០ម៉ែត្រផ្លូវក្រាលគ្រួសធម្មជាតិ១ខ្សែប្រវែង៦០០ម៉ែត្រ និងជីកស្រះទឹកសហគមន៍ បាន៩កន្លែងស្មើនឹង៩ភូមិសំរាប់ប្រជាពលរដ្ឋប្រើប្រាស់។
-សំរាប់គំរោងអភិវឌ្ឍន៍ឆ្នាំ២០២៤ វិញ លោកមេឃុំបានអោយដឹងថាគំរោងធ្វើផ្លូវបេតុងអាម៉េ១ខ្សែប្រវែង១០០០ម៉ែត្រផ្លូវក្រាលគ្រួសធម្មជាតិ១ខ្សែប្រវែង៣៥០០ម៉ែត្របានសិក្សាគំរោងរួចហើយ។ ក្រៅពីនេះលោកជំទាវបណ្ឌិតពេជ ចន្ទមុនី ហ៊ុន ម៉ាណែត មានគំរោងជួយធ្វើអណ្តូងស្នប់ចំនួន១០អណ្តូងជាបន្តទៀតកំពុងដំណើរការធ្វើរួចហើយបាន១អណ្តូង ។
-ចំណែកសមាជិកក្រុមប្រឹក្សាឃុំវិញក៏បានចូលរួមចំណែកធ្វើផ្លូវដីស១ខ្សែប្រវែង១២៨០ម៉ែត្រទទឹង៤ម៉ែត្រធ្វើនៅភូមិអង្គរាំង ក្នុងនោះមានដូចជា លោក ឈៀវ សម្រស់ លោកឡូញ ស៊ីន និងលោក ហោ ភិរុន ជាដើម។ ឃុំក៏បានយកចិត្តទុកដាក់ផងដែរក្នុងបំរើការងារសេវាសាធារណៈជូនប្រជាពលរដ្ឋបានទាន់ពេលវេលា ៕
