ខេត្តកំពង់ស្ពឺ៖ កន្លងមកនេះ ឯកឧត្តម ឡុង កេសភិរម្យ ប្រធានសាលាដំបូងខេត្តកំពង់ស្ពឺបានអញ្ជើញជាអធិបតីក្នុងកិច្ចប្រជុំមួយស្តីពីការផ្សព្វផ្សាយប្រការអន្តរក្រសួងលេខ ៨៣៣ សហវ ប្រក ចុះថ្ងៃទី១១ ខែវិច្ឆិកា ឆ្នាំ២០២២ ស្តីពីការបែងចែកចំណូលពីសេវាសាធរណៈនិងចំណូលពីការពិន័យរបស់ក្រសួងយុត្តិធម៌ និងសាលាជំរះក្តីរបស់ក្រសួងសេដ្ឋកិច្ច និងហិរញ្ញវត្ថុ និងក្រសួងយុត្តិធម៌ព្រមទាំងរបៀបនៃការប្រមូល ការគ្រប់គ្រង ការត្រួតពិនិត្យ និងការចាត់ចែងប្រាក់ចំណូលនិងប្រាក់ផ្សេងៗ របស់សាលាជំរះក្តី។
ក្នុងកិច្ចប្រជុំនេះដែរ គឺមានការចូលរួមពីលោកជំទាវ ចាត សូរស្មី ព្រះរាជអាជ្ញានៃអយ្យការអមសាលាដំបូងខេត្តកំពង់ស្ពឺ លោកអនុប្រធានសាលាដំបូង លោកព្រះរាជអាជ្ញារង លោកស្រី ចៅក្រមសាលាដំបូង លោកប្រធាន អនុប្រធាន ពន្ធនាគារខេត្ត លោកប្រធាន អនុប្រធានលេខាធិការដ្ឋានរដ្ឋបាលសាលាដំបូង អនុប្រធានរតនាគារខេត្តនិងលោក លោកស្រី ប្រធាន អនុប្រធា ការិយាល័យជំនាញពាក់ព័ន្ធ ។
