ខេត្តតាកែវ៖ ធុងចំរោះទឹកស្អាតនេះជាជំនួយឧបត្ថម្ភ របស់ក្រុមហ៊ុន ស៊ីបកូរ តាមរយៈសាខាសហគមនារីកម្ពុជា ដើម្បីសន្តិភាពនិងការអភិវឌ្ឍន៍ខេត្តតាកែវចំនួន១៤២ធុង ត្រូវបានរដ្ឋបាលក្រុងដូនកែវចែកជូនដល់កងកម្លាំងសមត្ថកិច្ចនិងក្រុមគ្រូពេទ្យក្រុងដូនកែវ នៅព្រឹកថ្ងៃទី៤ ខែមករា ឆ្នាំ២០២៣ ។
ជាមួយនឹងការចែកចាយធុងចំរោះទឹកស្អាតនេះដែរ លោក កង អាណាន់ អភិបាលក្រុងដូនកែវក៏បានថ្លែងអំណរគុណដល់ក្រុមហ៊ុន(ស៊ីបកូរ)ដែលបានជួយឧបត្ថម្ភ នូវធុងចំរោះទឹកស្អាតនេះ តាមរយៈសហគមនារីកម្ពុជា ។ ក្នុងនោះដែរ លោក អភិបាលក្រុង ក៏បានជម្រុញដល់កងកម្លាំងសមត្ថកិច្ចទាំងអស់នៅតាមមូលដ្ឋានត្រូវចូលរួមសហការក្តាប់ព័ត៌មាន សន្តិសុខអោយបានជុំដើម្បីធានាអោយបាននូវសុខសុវត្ថិភាពរបស់ប្រជាពលរដ្ឋ ។
