ខេត្តកំពង់ឆ្នាំង ៖ នាព្រឹកថ្ងៃទី ៣១ ខែមករា ឆ្នាំ២០២៣កន្លងមកនេះ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំ បានរៀបចំពីធីប្រជុំបូកសរុបលទ្ធផលការងារកងរាជអាវុធហត្ថប្រចាំឆ្នាំ២០២២ និងលើកទិសដៅសំរាប់ឆ្នាំ២០២៣ និងប្រគល់ប័ណ្ណសរសើរ លិខិតសរសើរជូនយោធិននៃកងរាជអាវុធហត្ថខេត្តកំពង់ឆ្នាំង។ ក្រោមអធិបតីភាពដ៏ខ្ពង់ខ្ពស់លោក ឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តនិងមានការអញ្ជើញចូលរួមពីលោកមេបញ្ជាការរង នាយសេនាធិការ សានាធិការរង ប្រធានមន្ទីអនុប្រធានមន្ទីរ នាយការិយាល័យ មេបញ្ជាការ មេបញ្ជាការរងកងរាជអាវុធហត្ថក្រុង ស្រុក និងប្រធានស្នាក់ការសន្តិសុខជាច្រើនរូបផងដែរ ។
