ខេត្តកំពង់ស្ពឺ នៅសាលាដំបូង និងអយ្យការអមសាលាដំបូងខេត្តកំពង់ស្ពឺ បានរៀបចំពិធីអបអរសាទរខួបលើកទី១១២ទិវាអន្តរជាតិ០៨មីនា ឆ្នាំ២០២៣ ក្រោមប្រធានបទស្ត្រីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថលក្រោមអធិបតីភាព ឯកឧត្តម ឡុង កេសភីរម្យ ប្រធានសាលាដំបូងខេត្តកំពង់ស្ពឺនិងលោកជំទាវ ចាត សូរស្មី ។
នៅក្នុងពិធីនេះដែរ ក៏មានការអញ្ជើញចូលរួមពីសំណាក់ ឯកឧត្តមព្រះរាជអាជ្ញា នៃអយ្យការអមសាលាដំបូងខេត្តកំពង់ស្ពឺ និងមានជូនបាច់ផ្កា វត្ថុអនុស្សាវរីយ៍ និងថវិកាមួយចំនួនជូនដល់លោកជំទាវព្រះរាជអាជ្ញា លោកស្រី ចៅក្រម លោកស្រីក្រឡាបញ្ជី លោកស្រីប្រធាន អនុប្រធានការិយាល័យ និងលោកស្រី ដែលជាមន្ត្រីនៃលេខាធិការដ្ឋានរដ្ឋបាល មន្ត្រីជាប់កិច្ចសន្យា ព្រមទាំងមន្ត្រីហាត់ការជានារីទាំងអស់ដែលបម្រើការងារនៅសាលាដំបូង និងអយ្យការអមសាលាដំបូងខេត្តកំពង់ស្ពឺ ៕
